CHELSEA HOI YALAZIMISHWA SARE YA 1-1 NA SOUTHAMPTON LIGI KUU ENGLAND

CHELSEA imepunguzwa kasi baada ya
kulazimishwa sare ya kufungana bao 1-1 na Southampton katika mchezo wa Ligi Kuu ya England jioni ya leo Uwanja wa St Mary’s.

Sadio Mane alianza kuwafungia wenyeji dakika ya 17 akimvisha kanzu kipa Thibaut Courtois, kabla ya kiungo Eden Hazard kuisawazishia Chelsea kabla ya mapumziko.

Southampton ilimaliza mechi hiyo pungufu ya mchezaji mmoja, baada ya Morgan Schneiderlin kutolewa kwa kadi ya pili ya njano.

Kikosi cha Southampton kilikuwa; Forster, Yoshida/Gardos dk62, Fonte, Alderweireld, Targett, Schneiderlin, Wanyama, Davis/Long dk77, Mane, Tadic/Ward-Prowse dk58 na Pelle.

Chelsea; Courtois, Ivanovic, Cahill, Terry, Luis, Obi/Drogba dk74, Matic, Schurrle, Fabregas, Hazard na Costa/Remy dk89.