Giggs Apongezwa Kuondoka Man U

Alex Ferguson ambaye ni kocha wa

zamani anasema kwamba anavyoamini

uamuzi aliouchukua Ryan Giggs wa

kuondoka Manchester United ni wa

kumpa mafanikio kutokna na kwamba

kwa sasa anatakiwa kusimama kwa

miguu yake mwenyewe. Giggs alikuwa

kocha msaidizi kwenye klabu hiyo ya

Old Traffod chini ya aliyekuwa kocha

wake mkuu, Louis Van Gaal tangu

alipotundika daruga mwaka 2014, lakini

mwishoni mwa wiki iliyopita alitangaza

kuachana na kazi hiyo ili akatafute

kibarua sehemu nyingine.

Baada ya uamuzi huo, Ferguson

anaungana na nyota wake huyo wa

zamani kwa kuamua kwenda kusaka

timu kwingine, lakini anamuonya

akisema kuwa akipata klabu bora ndio

kitakachompa mafanikio makubwa. “Ni

muda muafaka wa Ryan kusimama kwa

miguu yake mwenyewe kwa kuondoka

mahali hapo na kwenda kukabiliana na

changamoto nyingine,” Ferguson

aliiambia BBC Sport.

Giggs

“Nadhani yupo tayari kuongoza timu na

ana uzoefu mkubwa. Hatakiwi kwenda

kupeleka ujuzi wake kwenye klabu

ambayo inafukuza makocha kila baada

ya dakika mbili,” aliongeza kocha huyo

wa zamani. Alisema kuwa

analizungumza hilo kwa moyo mkunjufu

kutokana na kwamba ana imani kubwa

kwa nyota wake huyo wa zamani.