Kikosi cha Kenya cha Olimpiki chatajwa

Kamati ya olimpiki nchini Kenya, Nock, naBBChirikisho la riadha nchini Kenya, AK, zimetaja timu itakayoiwakilisha Kenya mjini Rio, nchini

Brazil Agosti mwaka huu.

Ingawa wanariadha wawili wa kwanza katika kila

kitengo walijanyakulia tiketi, Kikosi cha Kenya pia

kimeangazia masuala mengine kama vile fomu ya

wanariadha, matokeo yao katika mbio za riadha

duniani yakiwemo mashindano ya hivi karibuni ya

riadha nchini Afrika Kusini.

Mwanariadha anayeshikilia rekodi ya Olimpiki

katika mbio za mita mia nane, David Rudisha,

amepewa fursa nyingine ya kushiriki katika

Olimpiki licha ya kubwagwa na Alfred Kipketer.

Licha ya kujiondoa kutoka mbio za mita elfu kumi,

bingwa wa Dunia, Geodfrey Kamworor ni miongoni

mwa wanariadha watakaowania medali katika mbio

hizo ifikapo Agosti. Kamworor, na Bedan Karoki

wataungana na mshindi wa mbio za majaribio Paul

Tanui, na mwenzake Charles Yosei aliyenyakua

nafasi ya pili.

"Ninafuraha kubwa kuiwakilisha Kenya Katika

Olimpiki. Natarajia nitafanya vyema katika

mashindano ya Olimpiki," alisema Tanui.

Katika mbio za mita mia nane, upande wa kina

dada, mshindi wa mbio za majaribio Margaret

Nyairera Wambui, anatarajia ushindani mkali

kutoka Eunice Sum, na Winnie Chebet wakati

watakapokutana kwenye olimpiki licha ya

kuwabwaga katika mbio za majaribio.

Hata hivyo Kenya inatarajia ushindani mkali kutoka

kwa Caster Semenya.

"Ni majivuno makubwa kufuzu na naamini hakuna

mtu asiyeweza kushindwa, nia yangu ni kuondoka

na dhahabu, alisema mshindi wa mbio za

majaribio, Margaret Nyairera.''

Kwa upande wa mbio za mita mia nne kuruka

vihunzi, bingwa wa dunia Nicholas Bett na pacha

wake, Aaron Koech waliitwa kwenye timu hiyo.

Kujumuishwa kwa Bett kuliwashangaza wengi

kwani hakushiriki kwenye majaribio.

Bingwa wa mbio za mita elfu tano na elfu kumi

upande wa wanawake, Vivian Cheruiyot, alitajwa

katika timu zote mbili ambapo analenga kuwania

katika vitengo vyote viwili.

Wengine waliotajwa ni mrusha mkuki, Julius Yego,

ambaye atakuwa mwakilishi pekee wa Kenya katika

mashindano ya Rio.

''Tunawapongeza wote waliofuzu, na wakati huu

tunatarajia kujiandaa ipasavyo ili kufanya vyema

katika mashindano ya Rio," alisema rais wa riadha

nchini Kenya, Jackson Tuwei.

ORODHA KAMILI - WANAUME 200m: Kevin

Nkanata, Mike Mokamba 400m Hurdles: Nicholas

Bett, Boniface Mucheru, Aron Koech 400m: Alphas

Kishoyan, Raymond Kibet, Alex Sampao, Boniface

Mweresa 800m: Alfred Kipketer, Ferguson Rotich,

David Rudisha 1500m: Asbel Kiprop, Elijah

Manangoi, Ronald Kwemoi 3000m S/Chase:

Brimin Kipruto, Conceslus Kipruto, Ezekiel Kemboi

5000m: Caleb Mwangangi Ndiku, Isaiah Kiplangat

Koech 10000m: Paul Tanui, Charles Yosei, Geoffrey

Kamworor, Bedan Karoki Marathon: Eliud

Kipchoge, Stanley Biwott, Wesley Korir Kurusha

mkuki: Julius Yego Kutembea 20km: Samuel

Gathimba, Simon Wachira High Jump: Mathew

Sawe

ORODHA KAMILI WANAWAKE 400m Hurdles:

Maureen Jelagat 400m: Maureen Jelagat, Margaret

Nyairera Wambui 800m: Margaret Nyairera

Wambui, Eunice Sum, Winnie Chebet, 1500m: Faith

Chepngetich, Nancy Chepkwemoi. Viola Lagat

3000m S/Chase: Hyvin Kiyeng, Beatrice

Chepkoech, Lydia Rotich 5000m: Vivian Cheruiyot,

Hellen Obiri, Mercy Cherono 10000m: Vivian

Cheruiyot, Betsy saina, Alice Aprot

Marathon:Jemima Sumgong, Helah Kiprop, Visline

Jepkesho Kutembea 20km: Grace Wanjiru

BBC