Ally Bushiri ataka kuweka Heshima kwa Azam na Simba

Kocha Mkuu wa Timu ya ‘Wachimba

Almas’ Mwadui FC, Ally Bushiri

amezitaja Mechi mbili zilizosalia kati

ya Simba SC na Azam FC kuwa ndio

mechi muhimu zaidi msimu huu

kwani zinaweza kumjengea Heshima

vizuri anapoenda kumaliza Msimu wa

2016/17.

Kocha huyo ambaye amewahi

kuzifundisha timu ya KMKM ya

Zanzibar pamoja na kuwapo katika

Benchi la Ufundi la Taifa Stars kipindi

cha kocha Marcio Maximo amesema

licha ya kwamba wapo sehemu

salama lakini Kuzifunga Timu hizo

itamjengea Heshima katika tasnia ya

Soka.

-Najua tumebakiwa na mechi ngumu

dhidi ya Simba na Azam, ila

tutapambana kuhakikisha tunamaliza

kwa ushindi ili tuweze kujiweka

kwenye mazingira mazuri zaidi’

Bushiri aliuambia Mtandao huu.

Wachezaji wanaweza.

Kocha huyo mkongwe ambaye

alichukua mikoba ya Kocha Jamhuri

Kihwelu Julio wakati Mwadui wakiwa

katika nafasi ya 15 ya msimamo wa

Ligi kuu Soka Tanzania Bara amesema

kikubwa ili kushinda mchezo huo ni

kuwatengeza wachezaji wake wawe

katika moyo wa ushindani.

-Tumetoka kupoteza dhidi ya Majimaji

kwa Mabao 3-0 sasa kama mwalimu

najua wachezaji wanaweza kutishika

kidogo lakini, Kikubwa naendelea

kuwajenga wachezaji wangu kwamba

wanaweza na wataweza kuwafunga

hao Azam na Baadae Simba"

Aliongeza.