Mayanja: Watanzania watarajie fainali ya kukata na Shoka leo

Kocha Msaidizi wa Wekundu wa

Msimbazi Simba SC Jackson Mayanja

Raia wa Uganda amesema mchezo wa

fainali ya Azam Sports Federation Cup

dhidi ya Mbao FC ni Kama mchezo wa

kumaliza msimu wa 2016/17.

Mayanja amesema hawana budi

kujipongeza kwa kufika hatua hiyo na

kwamba anatarajia mchezo wa Ufundi

kwa timu zote mbili, mchezo ambao

utafanyika Katika uwanja wa Jamhuri

mkoani Dodoma.

-Kwanza kabisa Kesho Ndio

tunamaliza msimu, ligi

imekwishamalizika na huu Ndio

mchezo pekee wa kuhitimisha msimu,

Nawapongeza wale Wote ambao

wamefikia hatua Hii, tunatarajia kuona

mchezo mzuri' Amesema Mayanja.

Pongezi kwa DOREFA.

Katika hatua nyingine Mayanja

amekipongeza Chama cha Soka Mkoa

wa Dodoma DOREFA kwa kufanya

Maandalizi mazuri ya Mchezo huo

ambapo amekiri kwamba Maandalizi ni

mazuri.

-Nawapongeza sana chama cha Soka

mkoani hapa kwa kazi yao, tumefika

Jana na tumepokelewa vizuri, naona

kabisa wamejipanga na kujiandaa

vizuri tunasubiri siku ifike ili tujue

tumevuna nini" Mayanja aliongeza.

Kuhusu kikosi kinachotarajiwa

kucheza kesho, Mayanja amewatoa

hofu mashabiki wa Simba na

kuwaambia kuwa kikosi Kipo katika

Hali nzuri na watarajie mchezo Mzuri.

Mayanja ameyasema hayo wakati wa

mkutano na waandishi wa habari

kuelekea katika mchezo wa Fainali ya

Kombe la Shirikisho Tanzania Bara,

Jumamosi ya Mei 27 Mjini Dodoma.