Polisi Kagera yatawanya maandamano ya CHADEMA

Jeshi la Polisi mkoani Kagera limelazimika kutumia mabomu ya machozi kuwatawanya wananchi wanaodaiwa kuwa wafuasi wa Chama

cha Demokrasia na Maendeleo (CHADEMA) waliokuwa wakiandamana huku wakifurahia ushindi walioupata katika uchaguzi wa serikali za

mitaa.

Akizungumza mara baada ya kuwatawanya wananchi hao Kamanda wa Jeshi la Polisi mkoani Kagera Henry Mwaibambe amesema jeshi hilo

lilipiga marufuku wananchi kuandamana bila kibali maalumu na kusabisha vurugu zisizo kuwa za lazima mitaani na akaongeza kuwa chama chochote kitakachofanya maandamano bila kibali

maalumu kitachukuliwa hatua za kisheria.

Nao baadhi ya wananchi ambao walikuwa katika maandamano hayo wamesema maandamano yao

yalikuwa ya amani na walikuwa wanafurahia ushindi walioupata katika uchaguzi huo na kwamba sasa wameamua kufanya mabadiliko kwa

kuwa wamechoshwa na serikali ya Chama Cha Mapinduzi kwakuwa imekuwa ikiwafumbia macho

viongozi wa chama hicho ambao wameshiriki katika wizi wa pesa za Escrow huku wananchi wakiendelea kubaki masikini.

Kwa upande wake mwenyekiti wa CHADEMA katika manispaa ya Bukoba Victor Sherejey amesema sasa wakati umefika wakufanya mabadiliko na

wameibuka na ushindi katika mitaa 30 kati ya mitaa 66 iliyoko katika manispaa hiyo.