Mshambuliaji mpya wa Manchester United Zlatan
Ibrahimovic ameanza kazi rasmi ndani ya kikosi
hicho baada ya kufunga bao moja katika ushindi
wa bao 5-2 waliupata dhidi ya Galatasaray.
Ibrahimovic alifunga bao la kwanza kwa "tik tak"
akiunganisha mpira wa Antonio Valencia dakika ya
3 tu ya mchezo lakini Galatasaray waliamka na
kusawazisha bao hilo kwa goli la Sinan Gümüs
akiunganisha mpira wa faulo uliopigwa na Wesley
Sneidjer.
Mpaka mapumziko Tayari United walishakua
nyuma kwa bao 2-1 lakini kipindi cha pili
Mourinho alibadilisha wachezaji watano ambao
waliubadilisha mchezo na kufanikiwa kupata
magoli manne.
Nahodha Wayne Rooney alifunga bao 2,Juan Mata
akafunga bao 1 na Fellaini akafunga bao moja
katika mchezo huo uliopigwa katika dimba la
Ullevi huko Sweden.
Man United itakua dimbani tena Jumatano wiki hii
kucheza na Everton katika dimba la Old Trafford
ikiwa ni mechi ya mwisho ya maandalizi kabla ya
kuikabili Leicester City Jumapili katika mechi ya
ngao ya Hisani.
Posted Africa News Sports
Chapisha Maoni