Timu ya Mwadui FC, imepata pigo kubwa baada
ya kukimbiwa na wachezaji wake muhimu wa
kikosi cha kwanza na wenye uzoefu mkubwa na
Ligi ya Vodacom
Kocha wa Mwadui FC, Jamhuri Kihwelo ‘Julio’
ameiambia Goal , hali hiyo haitakiteteresha kikosi
chake na kusema anawaamini chipukizi waliopo
wataweza kutimiza malengo ya timu hiyo msimu
ujao kwa kubeba taji la ligi ya Vodacom.
“Nikweli wameondoka baada ya kumaliza
mikataba yao na msimu ujao nitakuwa na kikosi
ambacho kina majina mapya siyo julikana lakini
nitawapa nafasi kwa sababu wana uwezo
mkubwa na ndio watakaotupa ubingwa kama
ilivyokuwa kwa Leicester kwenye ligi ya
Uingereza msimu uliopita,” amesema Julio.
Wachezaji walioondoka na kwa sasa wanasaka
timu za kuzitumikia msimu ujao ni Nizar Khalfan
na Razak Khalfan, Jeryson Tegete, Jabir Aziz,
Athuman Idd, David Luhende na Jamali Mnyate.
Posted Africa News Sports
Chapisha Maoni