Kipindi chote Wayne Rooney amekuwa akicheza
kama mshambulizi lakini chini ya Van Gaal
amecheza kama kiungo kwa Mourinho atacheza
wapi?
Kutokana na usajili wa nguvu uliofanyika hali
kadhalika na wimbi kubwa la vijana
wanaochipukia pamoja na mipango ya Jose
Mourinho kutofikiria kumtumia Wayne Rooney
kama kiungo, mambo yanaonekana kuanza kuwa
magumu kwa Wayne Rooney.
Nahodha wa Manchester United Wayne Rooney
amekiri kwamba yuko kwenye wakati mgumu
baada ya klabu kuanza kuleta wachezaji wenye
majina makubwa.
Hadi sasa United imeshakamilisha usajili wa
wachezaji watatu Eric Bailly Henrikh Mkhitaryan
na Zlatan Ibrahimovic huku kukiwa na kila dalili
ya kumsajilia Pogba pia.
Kiongozi huyo wa wachezaji wa mashetani
wekundu amesema anatakiwa kuwa kwenye
kiwango bora ili kuendelea kulinda nafasi
yake chini ya kocha mpya Jose Mourinho.
“Wakati wote unatakiwa kuthibitisha ubora wako
katika kila msimu, kwa sababu ni ndoto ya kila
mchezaji kupata nafasi ya kucheza. Nadhani
unakuwa na furaha ukiwa unacheza kwenye
kikosi cha Manchester United.”
Posted Africa News Sports
Chapisha Maoni