MANCHESTER United wanaanza ziara yao huko
China, rasmi kama Tour 2016, presented by Aon,
kwa kucheza na Wababe wa Germany Borussia
Dortmund huko Shanghai Stadium Mjini Shanghai
Ijumaa Saa 9 Mchana kwa saa za hapa Tanzania
Hii ni Mechi ya Pili kwa Meneja mpya wa Man
United ambae Juzi alianza kwa kuichapa 2-0
Wigan huko DW Stadium, England.
Lakini hii ni Mechi ngumu kwani Dortmund
wameanza matayarisho yao ya Msimu Wiki
kadhaa nyuma na kucheza Mechi 5 za kujipima
wakati Man United ndio kwanza wameanza tu.
Mvuto kwa Mechi hii ni Mchezaji mpya wa Man
United, Henrikh Mkhitaryan, kuivaa Klabu yake ya
zamani aliyoihama rasmi hivi karibuni.
Pia, Chipukizi wa Man United, Adnan Januzaj,
anaweza kukumbana na Timu ambayo Msimu
uliopita aliichezea kwa Mkopo.
Nae Mchezaji wa zamani wa Man United
alieondoka Mwaka 2014, Shinji Kagawa,
alienunuliwa toka Dortmund anaweza pia kucheza
kuiwakilisha Dortmund dhidi ya Man United.
Hivi sasa Dortmund wapo chini ya Kocha Thomas
Tuchel aliechukua wadhifa Mwaka 2015 kutoka
kwa Jurgen Klopp ambae sasa yupo England na
Liverpool.
Kwa Dortmund, tegemeo lao kubwa ni Straika
kutoka Gabon, Pierre-Emerick Aubameyang,
ambae Msimu uliopita alipachika Bao 39 katika
Mechi 46 na kupitwa tu katika Ufungaji Bora huko
Germany na Straika wa Poland anaecheza kwa
Mabingwa Bayern Munich Robert Lewandowski.
Man United na Dortmund zimekutana mara 6 na
zote ni kwenye michuano rasmi ya UEFA na mara
ya mwisho ni kwenye Nusu Fainali za UEFA
CHAMPIONZ LIGI Mwaka 1997 ambazo Dortmund
walishinda Mechi zote 2 kwa Bao 1-0 wakielekea
kutwaa Ubingwa wa Ulaya.
Lakini, kati ya hizo Mechi 6, Man United
wameitwanga Dortmund mara 3 na kipigo cha
mwisho ni 4-0 walichoshinda Old Trafford Mwaka
1964 kwenye Inter-Cities Fairs Cup.
MAN UNITED - KIKOSI KAMILI HUKO CHINA:
De Gea, Romero, Johnstone, Bailly, Blind, Fosu-
Mensah, Jones, McNair, Rojo, Shaw, Smalling,
Tuanzebe, Valencia, Carrick, Herrera, Januzaj,
Lingard, Mata, Memphis, Mkhitaryan, A. Pereira,
Young, Keane, Rashford, Rooney.
Ratiba/Matokeo:
Julai 2016
16 Jul Kirafiki: Wigan Athletic 2 - 0
22 Jul Ziara 2016: Borussia Dortmund [China, Saa
9 Mchana]
25 Jul Ziara 2016: Manchester City [China, Saa 8
na Nusu Mchana]
30 Jul Ziara 2016: Galatasaray [Sweden, Saa 2 na
Nusu Usiku]
Agosti 2016
03 Aug Wayne Rooney Mechi Maalum: Everton
[Old Trafford, Saa 4 Usiku]
07 Aug FA Community Shield: Leicester City
[Wembley, Saa 12 Jioni]
Ligi Kuu England
14 Aug: Bournemouth [Ugenini, Saa 9 na Nusu
Mchana]
19 Aug: Southampton [Old Trafford, Saa 4 Usiku]
27 Aug: Hull City [Ugenini, Saa 1 na Nusu Usiku]
Septemba 2016
10 Sep: Manchester City [Old Trafford, Saa 8 na
Nusu Mchana]
18 Sep: Watford [Ugenini, Saa 8 Mchana]
24 Sep Premier League Leicester City [Old
Trafford, Saa 8 na Nusu Mchana]
Posted Africa News Sports
Chapisha Maoni