Nafurahi a sana kujiunga na kocha Antonio Conte

“Nafurahi a sana kujiunga na kocha

Antonio Conte, bila shaka wapo wengi

wachezaji ambao wangependa kuichezea

Chelsea,” alisema Kante. Klabu ya

Chelsea imemsajili kiungo cha kati wa

mabingwa wa Ligi Kuu ya Uingereza,

Leicester City, N’Golo Kante. Hata hivyo

mkataba huo wa mchezaji huyo

haijulikani umegharimu bei ngapi japo

wandani wa masuala ya uhamisho huko

Uingereza wanakisia kuwa Kante huenda

ameigharimu the Blues takribani paundi

milioni 30 hivi.

Kante

Kwa mkataba huo mpya unamhakikisha

Kante anasalia Stamford Bridge kwa

kipindi cha miaka 5. Kante alijiunga na

Leicester mapema msimu uliopita

akitokea Caen kwa mkataba uliogharimu

paundi milioni 6. Kiungo huyo wa kati

alipata umaarufu mkubwa baada ya

kufana katika michuano ya Euro 2016

huko Ufaransa.

Jamaa huyu huchezea timu ya taifa ya

Ufaransa iliyoshindwa na Ureno katika

fainali ya Euro 2016. Kante ni mchezaji

wa pili kujiunga na Chelsea hususani

baada ya mshambulizi kutoka Ubelgiji,

Michy Batshuay aliyehamia Uingereza

kutoka Marseille.

“Tungependa kubakia na Kante ila

hatukupata nafasi ya kumshawishi abakie

hapa,” ilisema taarifa kutoka kwenye

klabu ya Leicester.