Ripoti zimevuja kuwa Manchester United
wamefikia hatua nzuri katika Dili yao na Mabingwa
wa Italy Juventus na sasa watakamilisha
Uhamisho wa Dau la Rekodi ya Dunia kwa
kumnunua Kiungo Paul Pogba ndani ya Masaa 48.
Ripoti hizo zimedai Man United wametoa Ofa
mpya ya Euro Milioni 110 na Euro Milioni 10 juu
ikiwa ni nyongeza mbalimbali [Jumla Pauni
Milioni 100] huku Juve waking’ang’ania kupewa
Euro Milioni 5 ya ziada endapo Pogba ataongeza
Mkataba na Man United.
Pia kile kikwazo cha Wakala wa Pogba, Mino
Raiola, cha kutaka kulipwa Mgao wa Euro Milioni
20 kutoka kwenye Ada ya Uhamisho ambazo Juve
walitaka Man United walipe zote na si kukatwa
kwenye Dau lenyewe sasa inaelekea kimekwisha
kwa maelewano kati ya Raiola na Man United.
Kukamilika kwa Dili hii kutaleta afueni kubwa kwa
Juve kwani Juzi waligongwa Euro Milioni 90
walipomnunua Straika wa Argentina, Gonzalo
Higuaín, kutoka Napoli.
Pogba aliondoka Man United Mwaka 2012 bila
Ada ya Uhamisho baada ya kugomea Mkataba
mpya na Man United ikaambua Pauni 800,000 tu
kama Fidia ya kukuza kipaji chake.
Akiwa na Juve, Pogba alipanda chati na kuwa
nguzo kubwa ya Juve akiwabeba kutwaa Ubingwa
wa Serie A kila Mwaka katika Miaka yake yote
Minne.
Dau la Uhamisho la Pogba litavunja zile Rekodi za
Dunia za kuhamia Real Madrid za Gareth Bale,
toka Tottenham kwa Pauni Milioni 85, na
Cristiano Ronaldo toka Man United kwa Pauni
Milioni 80.
Akitua Old Trafford, Pogba atakuwa Mchezaji wa 4
mkubwa kununuliwa na Meneja Mpya Jose
Mourinho katika kipindi hiki.
Wengine ni Zlatan Ibrahimovic, Eric Bailly na
Henrikh Mkhitaryan.
Pogba’s agent Mino Raiola is negotiating with Manchester United
Posted Africa News Sports
Chapisha Maoni