Mjue vyema Eder Aliyewaliza Wafaransa

Wengi walikuwa wakimzungumzia

mshambuliaji Cristiano Ronaldo kabla ya

fainali ya michuano ya Euro 2016 kati ya

Ufaransa na Ureno kuanza. Ila hali

ilibadilika baada ya Ronaldo kuumia na

kulazimika kuondoka uwanjani! Kwa

wengi, kitumbua cha Ureno kilikuwa

kimeingia mchanga. Lakini, baadaye

kulijitokeza shujaa mwingine.

Mchezaji Eder nusura aumie muda mfupi

baada ya kuingia uwanjani. Mashabiki

wengi wa soka duniani, walimfahamu

mshambuliaji mtata, Eder, aliyefunga bao

la ushindi dakika ya 109 na kuzamisha

ndoto ya Wafaransa uwanja wa Stade de

France, Paris. Eder aliingia nafasi ya

kiungo wa kati, Renato Sanches.

Uliyajua haya mambo muhimu kumhusu

Eder? Jina lake kamili ni Éderzito António

Macedo Lopes, Macedo likiwa jina la

ukoo wa mama yake na Lopes jina la

ukoo wa baba yake. Eder alizaliwa nchini

Guinea-Bissau, taifa lililotawaliwa na

Wareno hadi lilipojinyakulia uhuru

mwaka 1974.

Jamaa ana umri wa miaka 28 na

anasema Ronaldo alimwambia angefunga

bao. “Alinipa moyo na nguvu, na hilo

lilikuwa muhimu!” Kimo cha Eder ni futi

6 na inchi 3. Alihamia Ureno akiwa

mtoto, soka yake ya kulipwa alianza

kucheza mara ya kwanza klabu ya

Academica 2008 kabla ya kujiunga na

klabu ya Braga miaka minne baadaye

ambapo aliwika sana.

Pia, alichezea klabu ya Swansea mwaka

2015 baada ya kununuliwa kwa £5

milioni kutoka Braga. Mechi yake ya

kwanza Ligi ya Premier ilikuwa sare ya

2-2 dhidi ya mabingwa watetezi wa

wakati huo Chelsea alipoingia nafasi ya

Bafetimbi Gomis. Hakufunga bao lolote

Swansea na akatumwa klabu ya Lille ya

Ufaransa inayocheza Ligue 1 kwa mkopo

kipindi kilichosalia cha msimu. Eder

alijiunga rasmi na Lille kwa mkataba wa

kudumu Mei mwaka huu baada ya

kuwasaidia kufuzu kwa Europa League.

Kwenye uchezaji wake Ligi Kuu ya

Ureno, alicheza jumla ya mechi 143 na

kufunga mabao 38. Eder amechezea

timu ya taifa ya Ureno tangu 2012 na

aliwachezea Kombe la Dunia 2014.

Alifungia Ureno bao lake la kwanza la

kimataifa mechi yake ya 18, mechi ya

kirafiki dhidi ya Italia katika uwanja wa

Stade de Geneve, Juni 2015.