Mambo 5 Joseph Omog anatakiwa kufanya Simba

Safu ya ushambuliaji msimu uliopita ilimtegemea sana Hamis Kiiza na pindi asipokuwepo timu ilikosa mbadala sahihi wa kuziba pengo lake

Miaka 4 sasa imepita bila ya Simba kuchukua

ubingwa wa ligi kuu bara na kuiwakilisha nchi

katika michezo ya kimataifa, timu

hiyo amekabiziwa Mkameruni Joseph Omog kwa

ajili ya kurudisha makali yake ya awali.

Je! Nini anatakiwa kufanya ili kuipaisha Simba

msimu ujao ili kuirejeshea heshima yake ya awali?

Maandalizi mazuri ya msimu mpya

Tayari Simba ipo Morogoro kwa ajili ya msimu mpya ligi kuu bara, timu nzuri hujengeka kwenye

kipindi cha mapumziko, Joseph Omog anahitaji

kutumia muda huu vizuri kuiandaa timu yake

vizuri kimwili na kiakili na ndio muda sahihi wa

kupata kikosi cha kwanza kabla ya msimu kuanza.

Usajili

Timu zipo kwenye kipindi cha usajili, Omog

amekuta timu tayari imeshafanya baadhi ya

usajili kwa wachezaji wa ndani kama Kichuya,

Muzamili Yasin, lakini bado anayo nafasi ya

kuongeza wachezaji zaidi kwenye timu hasa

wachezaji wa kigeni, atumie vizuri zile nafasi

saba za kigeni kusajili wachezaji wenye uwezo

mkubwa kuliko wazawa.

Kurudisha umoja kwenye timu

Moja ya sababu kubwa iliyopelekea Simba

kufanya vibaya msimu uliopita ni kutokuwa na

umoja baina ya wachezaji na benchi la ufundi na

viongozi kwa ujumla mfano msimu uliopita kocha

mkuu Kerr kutokua na umoja na msaidizi wake

Matola hadi Matola kuamua kuachia ngazi, moja

ya changamoto aliyo nayo Omog ni kutengeneza

umoja ndani ya timu na viongozi, hii ndo itakuwa

silaha kubwa kwake kufanya vizuri kwenye ligi

kuu.

Kuimalisha safu ya ushambuliaji

Safu ya ushambuliaji msimu uliopita ilimtegemea

sana Hamis Kiiza na pindi asipo kuwepo timu

ilikosa mbadala sahihi wa kuziba pengo lake,

moja ya silaha ya Yanga kwa msimu uliopita ni

safu bora ya ushambuliaji ndo ilipelekea kutetea

taji lake uwezo wa kufunga kwa Tambwe, Ngoma

na Msuva. Bwana Omog anatakiwa kuunda safu

bora ya ushambuliaji ambayo haimtegemei mtu moja.

Nidhamu

Swala la nidhamu ni changamoto kubwa sana

kwenye klabu ya Simba, msimu uliopita matukio

ya nidhamu baina ya wachezaji na benchi la

ufundi yalikuwa mengi mno kwa kipindi tofauti tofauti baadhi ya wachezaji walisimamishwa kwa

utovu wa nidhamu kama Kiiza, Hasan Isihaka,

Ajibu, Majabvi. Omog anastahili kurudisha

nidhamu ndani ya timu ili kufanikiwa kuunda timu bora, nidhamu mbovu haiwezi jenga timu bora.