Pogba Apigiwa Debe na Paul Ince

Mchezaji ambaye ni kiungo wa zamani

Paul Ince ni kama kampigia debe nyota

anayewindwa na Manchester United,

Paul Pogba akisema kuwa ni chaguo

bora kwa vinara hao wa Ligi Kuu

Uingereza. Nyota huyo wa timu ya taifa

ya Ufaransa na Juventus, Pogba kwa

sasa anahusishwa kutaka kurejea Man

United kwa dau kubwa ambalo

linasemekana kuwa ni euro milioni 120.

Nyota huyo mwenye umri wa miaka 23

aliyeondoka kwenye klabu hiyo ya Old

Trafford miaka minne iliyopita baada ya

kutoongeza mkataba wake chini ya

aliyekuwa kocha wao mkuu, Alex

Ferguson, kisha akapata mafanikio ya

kutwaa ubingwa mara 4 wa michuano ya

Serie A na klabu hiyo ya mjini Turin.

Hata hivyo, wakati kocha mpya wa Man

United, Jose Mourinho akiripotiwa kutaka

kumsajili kiungo huyo kwa gharama

zozote, Ince anaamini kinara huyo

atazoea kwa haraka mfumo wa uchezaji

anaotumia Mreno huyo.