Pogba na Nia yake ya Kutua Man U

Kinara wa soka Paul Pogba ameonyesha

nia yake ya kukamilisha kurejea tena

Manchester United kwa mujibu wa ripoti

kutoka Ufaransa. Jarida maarufu huko

Ufaransa, L’Equipe, lilidai Pogba

amewaambia marafiki zake na wachezaji

wenzake kwamba anataka kurejea Man

United ikiwa ni miaka minne tangu

aondoke Old Trafford kwenda kujiunga

na klabu ya Italia ya Juventus.

Wakala wa mchezaji huyu, Mino Raiola,

amepewa jukumu la kutoa ofa kwa

Juventus ili mchezaji huyo ajiunge na

Man United mara tu baada ya fainali za

Euro 2016 kumalizika. Inasemekana

meneja mpya wa Man United, Jose

Mourinho, anamtaka Pogba ajiunge na

kikosi chake kabla ya mechi yao ya

kufungua pazia msimu mpya kugombea

Ngao ya Jamii hapo Agosti 7 dhidi ya

Leicester City uwanjani Wembley.

L’Equipe inadai kuwa Raiola alikutana na

Makamu Mwenyekiti Mtendaji wa Man

United, Ed Woodward huko Ufaransa siku

kadhaa nyuma kujadili dili hii. Klabu ya

Pogba, Juventus, inataka ilipwe si chini

ya paundi milioni 90 ambayo ni rekodi

ya dunia ili imwachie mchezaji huyo

aliyeondoka Man United bila kulipwa

senti na dau hilo linasemwa si kikwazo

kwa klabu hiyo.