Lady Jaydee Anena haya asema kamwe hatarajii kujiingiza katika siasa

MWANADADA anayefanya vizuri katika muziki wa kizazi kipya nchini, Judith Wambura 'Lady Jaydee' amesema kamwe hatarajii kujiingiza katika masula

ya siasa kama wanavyofanya wanamuziki wenzake.

Kauli hiyo aliitoa wakati akizungumza na

waandishi wa habari wa gazeti la Jambo Leo Dar es Salaam jana, baada ya kutembelea chumba cha habari cha gazeti hilo katika Jengo la Hifadhi

House katika makutano ya Barabara za Azikiwe na Samora.

"Binafsi sitarajii kuingia katika masula ya siasa mimi nitaendelea na muziki na hao wenzangu waliojiingiza katika siasa ni utashi wao."

Alisema anafurahi kufanya muziki na wala hajuti kwa kuwa unamuongezea kipato,kikubwa ni kutunga nyimbo zenye maudhui na mvuto na kwa

wakati husika.

Baadhi ya wanamuziki waliojiingiza katika siasa ni Joseph Mbilinyi 'Sugu' ambaye ni Mbunge wa Jimbo la Mbeya Mjini kupitia Chama cha

Demokrasia na Maendeleo (Chadema), Joseph Haule 'Profesa J, Khadija Shabani 'Keisha' Ummy Wenslaus 'Dokii, na wengine kama Fullgence 'Mwanacotide' ambaye yupo Chadema.