KIPA namba moja wa Yanga, Deogratius
Munishi ‘Dida’ amewaomba mashabiki
wa timu hiyo kutowachoka kutokana na
matokeo wanayopata huku akiwashukuru
kwa kuendelea kuwaunga mkono.
Akizungumza kwenye mahojiano na
vyombo vya habari baada ya mechi ya
Kombe la Shirikisho dhidi ya Medeama
ya Ghana kwenye Uwanja wa Taifa Dar
es Salaam juzi, Dida alisema dhamira
yao ilikuwa kushinda.
Katika mechi hiyo ya makundi ya Kombe
la Shirikisho Afrika, Yanga ililazimishwa
sare ya bao 1-1 na kujiweka kwenye
mazingira magumu ya kusonga mbele.
Alisema mashabiki wasikate tamaa
kwani hiyo ndio timu yao waendelee
kuwa pamoja hadi mwisho katika
michezo iliyobaki.
“Unajua ni kweli tumepata matokeo
ambayo hatujayafurahia, yametuvunja
nguvu lakini kikubwa hatutakiwi kukata
tamaa na zaidi tuendelee kupeana moyo
na mashabiki watuunge mkono hadi
mwisho,” alisema.
Dida alitoa shukrani kwa viongozi wa
Yanga kwa kuwahudumia vizuri na
kuwataka wasichoke. Mchezaji huyo
alisema wana nafasi ya kufanya vizuri
katika michezo iliyobaki kwani lolote
linaweza kutokea.
Posted Africa News Sports
Chapisha Maoni