Manchester City wanaongea na Everton ili
mununua John Stones ingawa dili bado ipo mbali
kukamilika.
Inaaminika City itapaswa kulipa Pauni Milioni 50
kumnunua Mchezaji huyo wa zamani wa Timu
ndogo Barnsley ambae Mwaka Jana nusura
ajiunge na Chelsea.
Stones, ambae alikuwemo Kikosi cha England
kilichocheza EURO 2016 Mwezi Juni bila yeye
kucheza hata Mechi moja, alianza kuichezea
Barnsley Machi 2012 na Miezi 10 baadae kuhamia
Everton.
Bosi wa City, Pep Guardiola, amevutiwa sana na
Sentahafu huyo hasa kwa vile anafiti staili yake ya
uchezaji na amefafanua.
“Kawaida Masentahafu huwa na nguvu na wazuri
hewani. Lakini tunahitaji kujenga mashambulizi
toka nyuma na kufanya Kiungo wafunguke na
kutoa pasi rahisi kwa Mastraika!”
Huko nyuma, Guardiola ashawahi kuwatumia
Viungo kama Masentahafu wakati yuko Barcelona
na Bayern Munich kwa kuwachezesha Viungo
Javier Mascherano na Javi Martinez nafasi hizo.
Huko City tayari ashamgundua Kiungo wa Brazil,
Fernandinho, kuwa anafaa kazi ya kuwa Beki.
Guardiola ameeleza: “Fernandinho anaweza
kucheza nafasi 10 tofauti. Ni mwepesi, ana haraka
sana, ana akili, mpiganaji. Ana nguvu hewani na
ana kipaji cha kujenga mashambulizi, anaweza
kwenda kulia au kushoto na kutoa pasi ndefu!”
Posted Africa News Sports
Chapisha Maoni