Pedro amesema, “Nina miezi minne
kabla ya kumaliza mkataba wangu lakini
hilo halinipi presha kwa sababu nina
imani nitabaki hapa hapa. Nina furaha
nikiwa hapa. Nayazungumza haya kwa
imani ya moyoni. Ninajivunia kuwa
katika klabu kubwa. Nina furaha na
mashabiki wa timu hii. Ingawa ni kweli
kuwa hali ya mambo hapa si shwari
hata kidogo, lakini kwa pamoja tunaweza
tukaipandisha timu kutoka hapa ilipo.
Ninaamini kwamba kocha Antonio Conte
ni kati ya makocha wazuri na klabu ina
matarajio makubwa kwake. Ninajisikia
vizuri kiukweli!”
Mchezaji huyo ambaye ni straika wa
matajiri wa Stanford Bridge amesisitiza
juu ya nia na malengo yake ya kubakia
klabuni Chelsea licha ya kuwepo kwa
taarifa kwamba anajipanga kurudi
Hispania. Pedro alijiunga nao akitokea
klabu ya soka ya Barcelona kwa dau la
paundi milioni 21.4 na kwa siku kadhaa
sasa kuna taarifa zinasema kuwa yeye
ana mpango wa kuondoka kwenye Ligi
ya Premier.
Pedro akikwaana na Kyle Walker
Atletico Madrid ndiyo imekuwa ikitajwa
sana kwenye orodha ya timu
zinazomuwania mchezaji huyo mwenye
umri wa miaka 28. Hasa hasa fununu
hizo zinatokana na hatua ya Jose
Morinho kupigwa chini na matajiri hao
ambapo bosi huyo Mreno ndiye
aliyemleta Pedro pale Darajani.
Kwa kauli yake anadai kuwa ingawa
mkataba wake wa miaka minne
umebakiza miezi minne tu lakini ana
imani kuwa bado ana nafasi kubwa ya
kuongeza mkataba akiwa chini ya kocha
wa mpito wa Chelsea, Antonio Conte.
Posted Africa News Sports
Chapisha Maoni