Simba wakati wowote inaweza kumtangaza
mshambuliaji wa Azam FC Amme Ali, baada ya
mazungumzo kati ya uongozi wa Simba na Azam
kufikia pazuri
Klabu ya Simba wakati wowote inaweza
kumtangaza mshambuliaji wa Azam FC, Amme
Ali, baada ya mazungumzo kati ya uongozi wa
timu hiyo na timu yake kuwa katika nafasi nzuri.
Katibu Mkuu wa Simba Patrick Kahemela,
ameiambia Goal , wanamuhitaji mshambuliaji
huyo kwa ajili ya kuendelea kuimarisha safu yao
ya ushambuliaji kabla ya msimu kuanza.
“Ni mchezaji mzuri na kocha Joseph Omog
anaujua vizuri uwezo wake na ndiyo maana
amekuwa akitusisitiza kumsajili ili kuongeza
namba ya washambuliaji kwenye kikosi
cheke,”amesema Kahemela.
Ali alitua Azam msimu uliopita akitokea Mtibwa
Sugar ambako alifanya vizuri na kuivutia Azam
iliyomsajili lakini akashindwa kutamba kama
alivyokuwa Mtibwa na sasa Simba wanamuhitaji
ili kuweza kumtumia katika kampeni yao ya
kurudisha timu hiyi kwenye mafanikio yake.
Posted Africa News Sports
Chapisha Maoni