Mshambuliaji wa Manchester United Marcus
Rashford amesisitiza kuwa atajifunza kutoka kwa
Zlatan Ibrahimovic ili awe mkali
Kinda huyo aliibuka ghafla na kuingia kwenye
kikosi cha kwanza cha Mashetani Wekundu
akifunga mabao manne katika mechi mbili za
mwanzo na nane katika mechi 18 kwa ujumla.
Rashford alifanikiwa kupata fursa ya kuitwa
kwenye kikosi cha Uingereza kwa mara ya
kwanza katika michuano ya Euro 2016, lakini
anatambua kwamba nafasi yake katika kikosi cha
United sasa haina uhakika kwani ujio wa
Ibrahimovic umeongeza ushindani.
"Sote tunaweza kujifunza kutoka kwa Ibrahimovic
kwa kipindi atakachokuwa hapa, kwa hiyo sote
tutahitaji kutumia fursa hiyo," kinda huyo
aliiambia tovuti ya klabu.
"Ni msaada mkubwa kuwa naye kila siku, na ni
jambo la kipekee kuona kile anachokipenda
dimbani na nje ya dimba. Yapo mengi ya
kujifunza kutoka kwake na natumai nitaweza
kufanya yale anayofanya.
"Najiandaa na msimu mpya sasa. Hakuna sababu
ya kuharakia chochote - Naendelea kuwa na
subira huku nikijiimarisha."
Rashford aliingia kwenye kikosi cha United
kipindi cha pili walipoibuka na ushindi wa 5-2
dhidi ya Galatasaray - mechi ambayo Ibrahimovic
aliweka alama yake kwa kufunga goli la kwanza
United.
Posted Africa News Sports
Chapisha Maoni