Meneja wa Arsenal, Arsene Wenger amedai kuwa
ada ya Paul Pogba ya paundi milioni 100 ni
"uchizi mtupu"
Msakata kabumbu huyo anayekipiga Juventus
anatarajiwa kurejea Old Trafford kwa ada ya
rekodi ya uhamisho ambayo inaweza kufika
paundi milioni 122 majira ya joto, dau kubwa
kuliko kawaida.
Manchester United ipo katika hatua za mwisho
kukamilisha mchakato wa usajili huo siku chache
zijazo kufuatia wiki kadhaa katika mazungumzo
baina ya klabu ya sasa ya Pogba na Mino Riola.
"Ni uchizi mtupu kama huwezi kulipa. Kama
unaweza kulipa unaweza kuthibitisha," alisema
Wenger alipoulizwa kuhusu ukubwa wa dau la
Pogba. "Ni uchizi kabisa kama ukilinganisha na
maisha halisi. Huo ndio ukweli. Lakini tunaishi
katika ulimwengu ambao kila shughuli ni kwa ajili
ya kutengeneza fedha nyingi.
"Soka limekuwa ushindani wa kimataifa na hii
ndio sababu klabu zinamudu kutoa fedha nyingi
kusajili mchezaji. Je! mchezaji anaweza
kurejesha fedha hizo? Hakuna anayeweza kupiga
hesabu.
"Kwa sababu nimo katika mchezo huu, nilidhani
rekodi haiwezi kwenda juu zaidi, na daima
sikuwa sahihi. Labda miaka michache ijayo
itakuwa paundi milioni 200, 300, nani ajuaye?"
Rekodi kubwa ya usajili ya Wenger katika klabu
ya Arsenal ni Mesut Ozil, aliyejiunga kwa dau la
paundi milioni 42.5 kutoka Real Madrid mnamo
2013.
Posted Africa News Sports
Chapisha Maoni