Samatta: "Nataka kucheza Ligi ya Mabingwa Ulaya"

Mbwana Samatta amesema lengo lake mwakani

ni kucheza kwa mara ya kwanza michuano ya

Ligi ya Mabingwa Ulaya, baada ya kufanikiwa

kutinga Uropa

Nyota huyo wa kimataifa wa Tanzania

ameonyesha thamani yake kwa klabu

anayoichezea Ubelgiji Genk, kwani amekuwa

akifunga magoli muhimu kila anapopata fursa.

Kwa mujibu wa Bin Zubeiry Sports -

Online baada ya timu yake kuitoa Buducnost ya

Montenegro kwa penalti 4-2 Uwanja wa Pod

Goricom mjini Podgorica katika mchezo wa

marudiano Raundi ya Pili ya mchujo wa kufuzu

hatua ya makundi ya Europ League, Samatta

alisema kwamba amefurahi kwa matokeo hayo na

sasa anaangalia mbele kuisaidia zaidi Genk ili

ifike mbali kwenye michuano hiyo.

“Kwa kweli nimejisikia vizuri, maana ngoma

ilikuwa ngumu na pia ninajisikia vyema, kwani

ninazidi kupata uzoefu wa mashindano tofauti pia

ni kitu kinachonifanya nionekane sehemu nyingi

tofauti,” alisema mshambuliaji huyo wa zamani

wa African Lyon na Simba SC za Dar es Salaam.

“Matarajio yetu kama timu ni kuwa na kipindi

chenye mafanikio ndani ya msimu huu, nami

binafsi kama mimi napenda ndani ya msimu huu

niwe na rekodi nzuri za mabao na wastani mzuri

wa mechi na kuisaidia timu yangu kushiriki Ligi

ya Mabingwa Ulaya mwakani,” alisema Samatta.