Tanzania Prisons yanasa watatu

Kocha wa Tanzania Prisons, Salum Mayanga amemsaini golikipa Andrew Ntala kuwa mrithi wa

Beno Kakolanya aliyetimkia Yanga SC baada ya kuwa na msimu mzuri.

Timu hiyo ya Mbeya iliyomaliza nafasi ya nne msimu uliopita imewasaini pia wachezaji wawili wa

nafasi ya kiungo, Kazungu Nchinjayi kutoka

Majimaji FC na Mohammed Samatta kutoka JKT

Mgambo iliyoteremka daraja msimu uliopita. “Ni kweli nimesaini mkataba wa mwaka mmoja

katika timu ya Tanzania Prisons siku ya Jumatano ya Idd nikiwa na Samatta na Ntala,” anasema

Kazungu anayecheza namba 4 na 6.