Baada ya kutupwa nje FA Yanga yawaahidi ubingwa wa Ligi kuu mashabiki wake

Nahodha wa timu ya Yanga Nadir

Haroub 'Cannavaro '.amewaahidi

Ubingwa wa Ligi Kuu mashabiki wa

klabu hiyo na kuwaomba wasipoteze

matumaini na timu hiyo licha ya

kutolewa na Mbao kwenye fainali ya

Kombe La Shirikisho (Azam Sports

Federation Cup ),na kuwaahidi kuwa

Yanga itashinda ubingwa wa Ligi Kuu

Soka Tanzania Bara.

Cannavaro amekiri kuumizwa na

matokeo hayo ambapo walipoteza

mchezo huo kwa Mbao na kusema

Kuwa walikuwa wamejipanga vizuri na

walitarajia ushindi. Mashabiki kuwa na

subira

Hatukutarajia kupoteza

-Tulikuwa tumejiandaa vizuri

tulicheza vizuri na tulipata nafasi

nyingi za wazi lakini hatukufanikiwa

kufika hatua ya Fainali, huu ni mpira

na wakati mwingine tunapata matokeo

ambayo hatukutarajia, amesema

Cannavaro.

 Aidha amewaomba Mashabiki wao

kuendelea kuwaunga mkono na

kuwaahidi kuwa watatetea ubingwa wa

Ligi kuu Soka Tanzania Bara.

Kutetea ubingwa wa Ligi Kuu

-Bado tuna nafasi ya kuwafurahisha

mashabiki wetu tutaelekeza nguvu

zetu kwa michezo ya Ligi iliobaki

tutajitahidi tutafanya vizuri na kutetea

ubingwa wetu ,ndoto yetu ya

kushiriki kwenye Michuano ya Klabu

Bingwa bado ipo ndio maana

nawaomba mashabiki wetu wasife

moyo, ameongeza nahodha huyo.

Yanga ambao ni Mabingwa watetezi

wa Ligi kuu watahitaji kushinda Ligi Ili

kupata nafasi ya kuwakilisha kimataifa

msimu ujao baada ya Kuondolewa na

Mbao kwenye fainali ya Kombe La

Shirikisho ambapo Mshindi wa

michuano hiyo pamoja na kushinda

shilingi milioni 50 anapata fursa

kuwakilisha katika michuano ya

Kombe La Shirikisho Barani.

Nafasi ya pili

Yanga ambao wako katika nafasi ya

pili wakiwa na alama 56 wamebakiwa

na michezo minne dhidi ya Toto

Africans, Mbeya City, Tanzania Prisons

na Mbao Fc.