Kocha wa Serengeti boys Bakari Shime akiri kujifunza mengi mchezo wa Mali

Kocha Mkuu wa Timu ya Taifa ya

Vijana Chini ya Umri wa Miaka 17

'Serengeti Boys' Bakari Shime

amesema kuwa walishindwa kupata

ushindi dhidi ya Timu ya Mali katika

mchezo wao wa kwanza wa Michuano

ya Kombe La Mataifa ya Afrika

yanayoendelea nchini Gabon kwa

kuwa hawakuwa wamewafahamu

wapinzani wao.

Shime amesema Mali ni timu nzuri na

ambayo ina uzoevu hivyo

anwapongeza wachezaji wa Serengeti

Boys kwa kuonyesha kiwango kizuri.

Hatukuwa tukiwafahamu Mali

-Tatizo kubwa ni kuwa hatukuwa

tukiwafahamu wapinzani wetu na Hii

ilichangia sisi kushindwa kufanya

vizuri katika kipindi cha kwanza,

tuliwasoma na mambo yakabadilika

kipindi cha pili na tuliweza

kuwadhibiti", amesema Shime.

Hata hivyo Shime amewapongeza

wachezaji wake kwa kuonyesha

kiwango kizuri licha ya timu hiyo

kukabiliwa na majeruhi wengi na

kusema wamejifunza mengi kupitia

mchezo wa Mali.

Tumejifunza mengi

-Nawapongeza wachezaji Wangu kwa

kuonyesha mchezo mzuri, Mali ni

Timu nzuri na wana uzoevu,

tumejifunza mengi kupitia mchezo

huo tutayafanyia kazi mapungufu yetu

Kabla ya kukutana na timu ya Angola

katika mchezo ujao tutajitahidi Ili

kupata ushindi licha ya kuwa tuna

majeruhi wengi lakini nawaambia

watanzania wasihofu tumejipanga tuna

wachezaji wakutosha kujaza nafasi

kwa wale watashindwa kucheza",

ameongeza Kocha huyo.

Alama 1

Kufikia sasa kundi hilo la B timu zote

zina alama moja baada ya Timu ya

Guinea kulazimishwa sare ya mabao

2-2 na Angola katika mchezo wa pili

wa kundi hilo.

Michuano hiyo ilianza Jumatatu kwa

Wenyeji Gabon kuchezea kichapo cha

mabao 5-1 dhidi ya Guinea wakati

Ghana wakiwafunga Cameroon kwa

mabao 4-0.