Singida United kuingia Kambini Jijini Mwanza

Klabu ya Singida United inatarajia

kuweka kambi ya Mwezi mmoja Jijini

Mwanza Kuanzia Mei 12, kwa ajili ya

kuchuja na Kusajili upya wachezaji

watakaotumika katika msimu ujao wa

Ligi kuu Soka Tanzania Bara.

Akithibitisha kuhusu Taarifa hiyo

Msemaji wa Klabu hiyo Elisante John

amesema sehemu kubwa ya Kambi

itahusisha wachezaji waliofanikisha

kuipandisha Singida United Ligi kuu

Pamoja na wachezaji ambao

wanatarajia kuwasajili baada ya Ligi

kuu Kumalizika.

-Ninafahamu kwamba Kambi itaanza

Mei 12 Jijini Mwanza, Kocha Hans

Van der Pluijm atakuja kuanza na

wachezaji walioipandisha Timu na

kuwachuja, ambapo tunatarajia zoezi

hilo lichukue hadi pale ligi kuu

itakapomalizika” Elisante Alisema.

Amesema kuna wachezaji wazuri

ambao sasa wanacheza ligi kuu

watajiunga na Kambi hiyo kwa ajili ya

kusajiliwa kama watamridhisha Kocha

lakini kwa sasa hawaoni sababu ya

Kuwaunganisha kwani wanaweza

kuleta migogoro na Vilabu vyao.

Nyota wa ligi kuu.

-Kuna wachezaji ambao kocha

alipendekeza tuwasajili, sasa

tunawaogopa kuwataja lakini

watajiunga na wenzao kwenye kambi

Jijini Mwanza, Na tunatarajia baada ya

Kambi ya Jijini Mwanza Basi kikosi

cha Singida United kinaweza kwenda

nchini Oman kwa ajili ya kuweka

kambi Maalumu ya Kuelekea Ligi kuu

soka Tanzania Bara’ Elisante

Aliongeza.

Singida United ni miongoni mwa Timu

tatu Ambazo zimepanda Daraja Msimu

huu kutoka Ligi daraja la Kwanza,

Timu nyingine ni Njombe Mji ya

Mkoani Njombe na Lipuli FC ya

Mkoani Iringa.