Uongozi wa Simba Sc umetoa sababu ya kuchelewa kupeleka kesi yao CAS

Uongozi wa klabu ya Simba umetoa

sababu ya kuchelewa kupeleka Shauri

la kunyimwa Alama Tatu baada Kagera

Sugar kumchezesha Mohamed Fakhi

akiwa na kadi tatu za njano katika

mahakama ya Michezo 'CAS'.

Simba ambao Walisema watapeleka

suala hili CAS kutokana na Danadana

zinazoendelea Kwani wanafahamu

kuwa kikanuni Kagera Sugar walikuwa

wameenda Kinyume Lakini Kamati ya

Katiba, Sheria na hadhi za wachezaji

ilizirudisha Alama Tatu kwa Kagera

Sugar wakati tayari Kamati ya Saa 72

ikiwa imekwisha fanya Maamuzi.

Akizungumza na Futaa.co.tz Makamu

Mwenyekiti wa Simba SC Geofrey

Nyange Kaburu, amesema watapeleka

suala hilo Mara tu watakapokamilisha

kukusanya ushahidi pamoja na

vielelezo vyote vinavyohitajika.

Nia

 -Nia ya kupeleka kesi yetu CAS sio

kutafuta ubingwa lakini haki yetu

mpira ni wa FIFA, hii pia itasaidia TFF

kufanya kazi kwa weledi kwa Kufuata

Kanuni na sheria za soka, kumekuwa

na mambo mengi yamekuwa

yakijitokeza lakini tukitafuta majibu

Hatuyapati' Kaburu Alisema nia ya

Kupeleka suala Hilo mbele zaidi.

Kaburu amesema kuwa taratibu zote

ziko tayari na kuwa wanasubiri

mamlaka kutoka TFF ili kesi yao ianze

kusikilizwa.

 -Taratibu zote zimekamilika

tunasubiri ruling kutoka kwa Kamati

ya Sheria na Hadhi za Wachezaji ili

Kuanza kesi yetu' ameongeza

Kaburu.

Umuhimu

 Kwa wale ambao wanapinga hatua

hiyo na kusema pesa ambazo

zitatumika kwa kesi hiyo zitumike

katika uendeshaji wa klabu hiyo

Kaburu amesema wanataka kupata

haki na ni muhimu na ndio sababu

wamefikia hatua hiyo.

Klabu ya Simba waliamua kupeleka

kesi yao FIFA baada ya Kamati ya

Katiba Sheria na Hadhi za Wachezaji

kuwapoka pointi tatu ambazo Kamati

ya Masaa 72 ilikuwa imewapoka

Kagera na kuwapatia Simba kwa

madai Kagera Sugar walimchezesha

mchezaji Mohamed Fakhi ambaye

alikuwa na kadi tatu za njano kinyume

na Kanuni za Ligi Kuu Soka Tanzania

Bara.