MANCHESTER United imelazimishwa sare ugenini na Stoke City katika mchezo wa Ligi Kuu ya England jioni ya leo Uwanja wa Britania. Makosa ya mabeki wa United yalimpa Ryan Shawcross mwanya wa kuifungia bao la kuongoza Stoke City dakika ya pili, kabla ya Radamel Falcao kuisawazishia timu ya Louis Van Gaal dakika ya 26.
United ilipata pigo baada ya winga wake, Ashley Young kuumia nyama za paja na kutolewa nje dakika ya 75, akimpisha Rafael.
United inafikisha pointi 37 baada ya mechi 20, ikibaki nafasi ya tatu, ikiwa inaizidi kwa pointi nne Southampton yenye mechi 19 nafasi ya nne, wakati juu yao kuna Manchester City pointi
43 na Chelsea pointi 46.
Kikosi cha Stoke City kilikuwa; Begovic,
Cameron, Shawcross, Muniesa, Pieters, Nzonzi, Whelan, Arnautovic/Assaidi dk81, Walters, Diouf na Crouch.
Manchester United; De Gea, Jones, Smalling, Evans, Carrick, Young/Rafael dk75, Rooney, Mata, Shaw/Januzaj dk64, Falcao/Herrera dk64 na Van Persie.
Chapisha Maoni