Chozi la Mobeto Laana Kwa Lulu!

Kufuatia staa wa filamu za Kibongo, Elizabeth

Michael ‘Lulu’ kudaiwa kumpora mwanaume

aliyezaa naye, chozi la mwanamitindo anayeuza

nyago kwenye video za wasanii wa Bongo Fleva,

Hamisa Hassan Mobeto linaelezwa kuwa ni laana

tosha kwa mwigizaji huyo.

Kwa mujibu wa mtu wa karibu wa Mobeto,

mrembo huyo ambaye ni sura ya mauzo kwenye

matangazo ya nguo za kike, amekuwa akimwaga

chozi kila kukicha huku lawama zote akizielekeza

kwa Lulu.

Chanzo hicho kilidai kuwa, Mobeto amekuwa

akilalamika kwamba, Lulu alijua fika mwanaume

huyo ni mzazi mwenzake lakini akamchukulia na

kumsababishia maumivu ya kutelekezewa mtoto

wa kike aliyezaa na jamaa huyo mwaka jana.

“Kiukweli chozi la Hamisa (Mobeto) kila kukicha

ni laana tosha kwa Lulu. Unajua hakuna kitu

kibaya kwa mwanamke kama kuporwa

mwanaume wake waziwazi na kuachiwa

majukumu ya mtoto huku adui ukimjua.

“Kibaya zaidi ni tambo za Lulu mitandaoni.

Kitendo cha Lulu kutamba na mwanaume huyo

kinamuumiza sana Mobeto kwa sababu naye ni

mwanadamu. Ana moyo wa nyama kama Lulu

“Pia ukiacha tambo, Lulu amekuwa akisababisha

mtoto wa Mobeto anatukanwa jambo

lililomuongezea machungu kwani mtoto ni

malaika ambaye hajui chochote lakini amekuwa

akiunganishwa kwenye ugomvi huo,” kilieleza

chanzo hicho.

Alipotafutwa Mobeto hivi karibuni kuhusiana na

sakata hilo, hakuwa tayari kumzungumzia Lulu

na mwanaume huyo lakini akaweka wazi kwamba

kinachomuumiza ni mwanaye kuhusishwa na

ugomvi huo.

“Ishu ya Lulu na …(anamtaja mwanaume) siwezi

kuizungumzia, kitu ambacho kinaniumiza ni

kumwingiza mwanangu kwenye haya mambo.

Mtoto wangu anakuwa anajumlishwa katika

mambo ambayo hayamuhusu kabisa na

hakupaswa kuhusishwa,” alinukuliwa Mobeto na

kuongeza:

“Hakuna mzazi ambaye angekubali mwanaye

aongelewe kwenye mambo yasiyo mazuri.

Ningekuwa sina mtoto wala nisingeumia lakini

kwa sababu kuna mtoto ambaye hana hatia wala

hajui kinachoendelea hivyo sipendi na naumia

sana.”

Jitihada za kumpata Lulu ziligonga mwamba

baada ya simu yake kuita bila kupokelewa na

hata alipotumiwa ujumbe mfupi wa SMS na

chatting za WhatsApp hakujibu.

Ishu hiyo ya laana kwa Lulu ilipigiliwa msumari

na mama wa marehemu Steven Kanumba

alipozungumza na wanahabari wetu hivi karibuni

katika futari iliyoandaliwa na mwigizaji Illuminata

Poshi ‘Dotnata’, nyumbani kwake, Ubungo jijini

Dar.

Alisema Lulu analiliwa na wanawake wengi kwani

wapo ambao alikuwa na uhusiano na waume zao

wakafariki dunia huku wengine wakiachwa na

watoto wadogo na kubaki wakilea wenyewe.

“Lulu ana machozi ya wanawake wengi, Mungu

anaona na ninaamini machozi hayo hayataenda

bure ipo siku atakuja kuvuna anachopanda kwa

sasa,” alisema mama Kanumba pasipo kutaja

wahusika moja kwa moja.

Chanzo:GPL