Mashoga washambuliwa Ivory Coast

Kulingana na BBC, wapenzi wa jinsia moja nchini

Ivory Coast wamekuwa wakilazimishwa kuhama

makwao baada ya ubalozi wa Marekani kuchapisha

picha yao wakiweka sahihi kwenye kitabu cha

rambi rambi kwa waathiriwa wa mauaji

yaliyofanyika katika klabu moja ya wapenzi wa

jinsia moja mjini Orlando jimbo la Florida nchini

Marekani.

Picha iliyochapishwa kwenye mtandao wa ubalozi

wa Marekani na kusambazwa kwenye mitandao ya

kijamii, ilionyesha wanaume sita wakiweka sahihi

kwenye kitabu cha rambi rambi.

Shirika la habari la AP lilizungumza na wanaume

hao wote wanne ambao hawakutaka kutajwa

majina.

Wawili kati yao wanasema kuwa walishambuliwa

na kundi la watu huku wengine wawili nao

wakisema kuwa shinikizo za kifamilia

zimewalazimu kuhama nyumbani.

Ivory Coast ni moja ya nchi ambazo hazikubali

mahusiano ya jinsia moja.