Nay wa Mitego kutambulisha wasanii wake

Msanii Nay wa Mitego ambaye siku si nyingi

anatarajia kuachia kazi yake mpya 'Pale kati

patamu' amesema kuwa baada ya kazi yake hiyo

kutoka itakuwa ni wakati sahihi yeye kutambulisha

rasmi wasanii walio chini ya Label yake ya 'Free

Nation 966'.

Akizungumza kwenye kipindi cha Friday Night Live

cha EATV, Nay wa Mitego alisema kuwa yeye ni

msanii wa kwanza kabisa kuanza kusimamia

wasanii wenzake, na sasa ameona awatambulishe

wasanii walio chini ya Label yake, ili afanye

biashara ya muziki na si kitu kingine.

"Unajua mimi ni msanii wa kwanza kuanza

kusimamia wasanii wenzangu, mpaka sasa nina

wasanii watatu ambao wapo chini ya Free Nation,

lakini kwa kuanza tutaanza na mmoja ambaye

tushakamilisha naye kila kitu anaitwa Tiki, nadhani

Label yangu itakuwa na utofauti na Label nyingi

sababu moja mimi ni mfanyabiashara hivyo hata

msanii naye mleta lazima aingizie pesa huku

akiwakonga mashabiki zake kwa muziki mzuri"

alisema Nay wa Mitego.

Hivyo tutaanza na Tiki huku tukiangalia biashara

yake inakwendaje, mimi sitaki kukurupuka nataka

kufanya biashara, hivyo baada ya kazi yangu

kutoka haitachukua muda atakuja Tiki kwa

watanzania, ingawa chini ya Free Nation kuna

wasanii watatu mpaka sasa" alisisitiza Nay wa

Mitego.