Chuji amekabidhiwa jezi namba 28 na amesema
yupo tayari kwa mapambano katika ligi ambayo
inatarajia kuanza hivi karibuni
Kiungo mkongwe Athumani Idd, ‘Chuji’
amejiunga na timu ya KMC, kwa mkataba wa
mwaka mmoja ikiwa ni muda mfupi baada ya
kuachana na klabu ya Mwadui FC.
Chuji ameiambia Goal , pamoja na kwamba timu
hiyo inashiriki ligi daraja la kwanza lakini
ameridhia kujiunga nayo na atahakikisha anatoa
mchango wake mkubwa ili kuiandisha.
“Sioni tatizo kucheza timu ya daraja la kwanza
kwasababu mpira ni uleule isipokuwa hivi sasa
nitakuwa na changamoto kubwa kuhakikisha
anaisaidia timu hii kupanda hasa ukizingatia
mimi ni mchezaji mwenye jina kubwa na watu
wachezaji wenzangu watakuwa wakiniangalia
mimi,”amesema Chuji.
Chuji amekabidhiwa jezi namba 28 na amesema
yupo tayari kwa mapambano katika ligi hiyo
ambayo inatarajia kuanza hivi karibuni.
Pamoja na Chuji wengine ambao wamesajiliwa na
KMC FC ni Eric Mawala (kutoka Mbeya city), Issa
Ngoah (Simba), Rashid Roshwa (Kagera Sugar),
Lembele Jerome (Kagera Sugar) na Mussa Kidu
(JKT Ruvu).
Posted Africa News Sports
Chapisha Maoni