Rehema Nchimbi aagiza kuharakisha ukarabati wa uwanja wa Namfua

Siku chache baada ya wapenzi na

mashabiki wa soka Mjini Singida

kuelezea hofu yao juu ya kutokamilika

kwa Uwanja wa Namfua na kutumiwa

na Singida United kwa michuno ya ligi

kuu Tanzania bara, Serikali imeingilia

kati na kuhakikisha kuwa shughuli za

ukarabati zinaanza kufanyika.

Mkuu wa Mkoa wa Singida Dkt

Rehema Nchimbi amesema shughuli

za ukarabati huo sasa zitafanyika

usiku na mchana ili kuhakikisha kuwa

uwanja huo wa Chama Cha Mapinduzi

unakamilika kabla ya Agosti mwaka

huu.

-Kwa gharama yoyote ile, na hata

ikilazimika kufanya kazi usiku na

Mchana ni lazima uwanja huu

ukamilike mapema na uweze

kutumiwa na Singida United kama

uwanja wao wa Nyumbani msimu ujao

wa Ligi kuu” Nchimbi alisema.

Uzembe umefanyika.

Msimamizi huyo wa Shughuli zote za

kiserikali Mkoani Singida, amekiri

kwamba kuna uzembe umefanyika

katika kuukarabati uwanja huo, lakini

amesema si wakati wa kumtafuta nani

amekosea bali kujitahidi ili Singida

United wautumie uwanja huo Kuanzia

Agosti mwaka huu.

-Kuna uzembe umefanyika lazima

tukiri, lakini huu si wakati wa kutafuta

nani amefanya amekosea, bali kutafuta

namna ya pamoja ya kuweza

kuukamilisha mapema na Uwanja huu

uweze kutumika Msimu ujao na

Singida United’ Aliongeza Nchimbi.

Kila mdau.

Katika Upande Mwingine Dkt Rehema

Nchimbi ametoa wito kwa kila mdau

wa michezo mkoa humo kutimiza

wajibu wake ili uwanja huo uweze

kukamilika kwa wakati, na kuanza

kutumika kuanzia mwezi Agosti

mwaka huu.

Singida United iliyoshuka daraja miaka

15 iliyopita, imebahatika kupanda tena

msimu huu na inatarajia kutumia

Namfua kama Uwanja wake wa

nyumbani kwa michuano ya ligi kuu

Tanzania bara.