Serengeti Boys waelekea Cameroon katika Maandalizi Kabla ya AFCON U17

Timu ya Taifa ya vijana chini ya Umri

wa Miaka 17 'Serengeti Boys',

imemaliza kambi yake Salama Mjini

Rabat, nchini Morocco na imeelekea

Yaoundé Cameroon ambapo

wamepangiwa michezo ya kirafiki

dhidi ya timu ya vijana ya Cameroon.

Timu hiyo ambayo ilikuwa imepiga

kambi ya takriban mwezi mmoja

nchini Morocco imeonyesha

kuimarisha kiwango chake pakubwa

hatua inayonekana kumridhisha Kocha

Mkuu wa Timu hiyo Bakari Shime

'Mchawi Mweusi' ambaye amekiri

Timu hiyo kuonyesha mafanikio

makubwa na ana imani watafanya

vizuri katika fainali ya Michuano ya

Mataifa ya Afrika kwa vijana chini ya

umri wa miaka 17 yatakayofanyika

nchini Gabon.

Msafara wa Serengeti Boys

unaongozwa na Mkurugenzi wa soka

la vijana la Shirikisho la Soka Nchini

TFF, Ayubu Nyenzi unatarajiwa kufika

Yaounde saa 10.35 Alfajiri ya Ijumaa.

Cameroon

Wakiwa Mjini Yaounde, Serengeti Boys

watacheza michezo miwili ya kirafiki

na Timu ya Vijana ya Cameroon,

mchezo wa kwanza utafanyika

Jumamosi huku mchezo wa

marudiano ukifanyika siku ya

Jumanne.

Mara baada ya Kambi hiyo ya

Takribani Juma moja, Serengeti Boys

wataelekea Gabon Mei 7 kwa

matayarisho ya fainali hizo ambapo

wamepangwa kundi B pamoja na timu

za Taifa za Vijana za Angola, Niger na

Ethiopia.