Gareth Bale Amsifia Ronaldo

Nyota wa timu ya taifa ya Wales, Gareth

Bale amempa sifa staa mwenzake wa

Real Madrid, Cristiano Ronaldo akisema

kuwa ni mkali wa mabao, baada ya

kuifungia timu yake ya Ureno katika

ushindi wa mabao 2-0, dhidi yao katika

mchezo wa nusu fainali za Euro 2016.

Kabla ya mtanange huo kufanyika,

ulikuwa ukizungumziwa na wengi kuwa

unaikutanisha miamba miwili hatari,

lakini baada ya kufanyika, alikuwa ni

Ronaldo ambaye aliibuka kidume.

Nyota huyo aliibuka kidume dakika ya 50

wakati alipofunga bao kwa mpira wa

kichwa na kushuhudiwa akifikia rekodi

ya nyota wa zamani wa timu ya taifa ya

Ufaransa, Michael Platini kwa kufunga

mabao tisa katika fainali hizo za Ulaya

na huku nyota huyo akiwa

amemtengenezea bao Nani dakika tatu

baadaye.

Gareth Bale

Bale alisema kuwa nyota huyo ni mkali

wa mabao na ndio maana alifunga tena.

“Lakini sio kwamba namzungumzia yeye

peke yake bali na kwetu sisi kwa ujumla

tumecheza vizuri na najivunia kwa hili.

Tunatakiwa kujivunia mafanikio ambayo

tumeyapata katika mashindano haya,”

alisema staa huyo. “Tungependa

kuwashukuru mashabiki kwa msaada

waliotupa na ndio maana tumefikia

hapa,” aliongeza nyota huyo. Katika

mchezo huo wa usiku wa kuamkia juzi,

Wales walionekana kuwa sawa na

wapinzani wao na Bale anasema kuwa

kiwango walichokionyesha kilikuwa ni

cha hali ya juu. “Walipata bao kipindi

cha kwanza na sisi tulikosa bahati

kipindi cha pili,” aliongeza. “Ila tulijaribu

kurudi katika mchezo na ndio maana

tukapambana hadi dakika ya mwisho,”

aliongeza tena staa huyo.