RAIS wa Shirikisho la Soka la Kimataifa
(FIFA), Sepp Blatter jana amesema kwamba umefika wakati sheria ya mabao ya ugenini kuipa timu ushindi kufuatia sare ya mechi mbili, ifikie tamati.
Blatter amesema sheria hiyo inazibeba timu ambazo zinacheza ugenini kwenye mechi za marudiano, kwa sababu muda wa nyongeza unaweza kutoa fursa ya ziada kusaka mabao zaidi.
“Ni wakati wa kuufikiria upya mfumo huu," amesema Blatter katika kolamu ya toleo la FIFA wiki hii. Sheria ya mabao ya ugenini inatumika kwenye mechi za mtoano na michuano kama Ligi ya Mabingwa, Afrika na Ulaya na ilianzishwa mwaka 1965.
Baada ya timu mbili kutoka sare kwenye
Baada ya timu mbili kutoka sare kwenyemechi mbili za nyumbani na ugenini, timu ambayo ilifunga mabao zaidi ugenini inasonga mbele.
“Mawazo haya yamepitwa na wakati, yalikuwa ya enzi ambazo mechi za ugenini zilichukuliwa mzigo, zikihusisha safari ndefu na mazingira tofauti," alisema bosi huyo wa
FIFA mwenye umri wa miaka 78.
Tayari sheria hiyo haitumiki tena katika Nusu Fainali au mechi za kuwania kupanda za Ligi za England.
Ligi Kuu ya Marekani, na Ligi ya Mabingwa wa Amerika (CONCACAF) wao wanahesabu mabao yaliyofungwa ndani ya dakika 90 tu za kawaida.
“Soka imepiga hatua tangu miaka ya 1960, hivyo sasa lazima watu wahoji kuhusu sheria ya mabao ya ugenini,” amesema Blatter, ambaye hakushauri njia mbadala.
TP Mazembe ya DRC mwaka huu imeonja machungu ya sheria ya mabao ya ugenini baada ya kutolewa na ES Setif ya Algeria katika Nusu Fainali ya Ligi Mabingwa Afrika licha ya sare ya jumla ya 4-4.
Mazembe yenye washambuliaji wawili
Watanzania, Mbwana Samatta na Thomas Ulimwengu ilifungwa 2-1 katika mchezo wa kwanza Algeria kabla ya kushinda 3-2 katika mchezo wa marudiano Lubumbashi.
Chapisha Maoni