TP Mazembe yaichapa 2-0 JS Kabylie ya Algeria

KLABU ya TP Mazembe ya

Jamhuri ya Kidemokrsia ya

Kongo (DRC) jana iliibuka na

ushindi wa 2-0 dhidi ya JS

Kabylie ya Algeria katika

mchezo wa kwanza wa

mchujo wa kuwania tiketi ya

kucheza hatua ya makundi ya

Kombe la Shirikisho

mjini Lubumbashi.

Mabao yote ya mabingwa

hao watetezi wa Kombe la

Shirikisho yalifungwa na

wageni Uwanja wa Mazembe,

la kwanza Mzambia Nathan

Sinkala dakika ya 11 na la

pili Salif Coulibaly kutioka

Mali dakika ya 90.

Mabingwa mara tatu wa

Kombe la Shirikisho, ambayo

ni rekodi, CS Sfaxien ya

Tunisia walipata ushindi wa

2-1 ugenini dhidi ya Rail

Kadiogo nchini Burkina Faso.

Club Africain ilikamilisha

ubabe wa timu za Tunisia

kwa kuichapa 2-1 AS Port

Louis nchini Mauritius,

mabao ya Slimene Kchok na

Mannoubi Haddad.

Zesco United ya Zambia

walitoka nyuma kwa mabao

mawili na kutoa sare ya 2-2

na Enugu Rangers ya Nigeria

huku Patrick Kongolo

akisawazisha dakika ya 76.

Chibuzor Madu alifunga kwa

penalti kipindi cha kwanza

bao la Rangers na Osas

Okoro akafunga la pili kwa

"Flying Antelopes" baada tu

ya mapumziko.

Mkenya beki David Owino

akafunga bao lake la pili

kwenye mashindano ya

mwaka huu kwa Zesco,

ambayo mwaka jana ilitolewa

Nusu Fainali ya Mabingwa.

SuperSport United ya Afrika

Kusini ilitoa sare ya 1-1 na

Barrack Young Controllers

nchini Liberia wakati

Platinum Stars ilifungwa 2-0

na AS Tanda nchini Ivory

Coast.

Mapema juzi, KCCA

iliwaangusha Al Masry kwa

bao 1-0 Uwanja wa Philipo

Omondi mjini Kampala,

Uganda.