Michuano ya AFCON U17 yafunguliwa Rasmi Nchini Gabon

Michuano ya 12 ya Mataifa Afrika kwa

vijana chini ya Umri wa Miaka 17,

inayosimamiwa na Shirikisho la soka

Afrika CAF, imefunguliwa rasmi

Jumapili Mei 14 katika Uwanja wa

Stade de Port Gentil uliopo Mjini Port

Gentil nchini Gabon.

Mashindano hayo ambayo

yanahusisha vijana waliochini ya Umri

wa miaka 17, yanashirikisha Jumla ya

Timu nane kutoka Nchi Nane ambazo

ni wanachama wa CAF, huku miji

mitatu ya nchini Gabon ikitarajiwa

kutumika katika Michuano hiyo.

Timu ya Taifa ya Tanzania ‘Serengeti

Boys’ ni mojawapo ya Timu ambazo

zinashiriki katika Mashindano hayo

ambapo imepata nafasi hiyo baada ya

Timu ya Taifa ya Kongo Brazzaville

kutolewa mashindanoni baada ya

kugundulika kuwa walimtumia

mchezaji Langa-Lesse Bercy aliyezidi

umri.

Kundi B.

Serengeti boys wamepangwa katika

kundi B pamoja na Timu za Mali,

Angola na Niger ambapo watafungua

Dimba Jumatatu kwa kucheza na Mali

kabla ya Kukutana na Angola Mei 18

na Kumaliza na Niger Mei 21.

Ikumbukwe kwanza Timu nne

zitakazofanikiwa kufuzu katika hatua

ya Nusu Fainali zitafuzu moja kwa

moja Katika mashindano ya Kombe la

Dunia kwa vijana wa umri huo,

Mashindano ambayo yanatarajiwa

kufanyika India kuanzia Oktoba 6 hadi

28.