Chelsea yaichapa 3-0 Huddersfield ligi kuu England leo

MABAO ya N'Golo Kante dakika ya 34, Jorginho kwa penalti dakika ya 45 na Pedro dakika ya 80 yameipa Chelsea ushindi wa 3-0 dhidi ya Huddersfield katika mchezo wa Ligi Kuu ya England Uwanja wa John Smith leo.

Katika michezo mingine iliyochezwa leo Fulham ikiwa nyumbali ilikubali kipigo cha mabao 0-2 kutoka Crystal Palace shukrani kwa magoli ya Schlupp, Zaha.

Bournemouth ilitumia vizuri uwanja wake wa nyumbani kuichapa Cardiff mabao 2-0 yaliyofungwa na Fraser na Wilson). Mabao mawili ya Pereyra yalitosha kuipa Watford ushindi wa 2-0 dhidi ya Brighton, wakati mapema Tottenham ilishinda 2-1 dhidi ya Newcastle.