Klabu ya Juventus imemtambulisha mshambuliaji
wake mpya Gonzalo Higuain aliyesajiliwa kutoka
Napoli kwa uhamisho wa pauni mil 75.3.
Ada ya uhamisho wa Higuain inalipwa kwa awamu
mbili huku uongozi wa klabu hiyo ukisema
wamemnunua mchezaji huyo kuimarisha kikosi
chao na sio kweli kwamba wametoa 'mpunga huo'
kwa kuwa wanatarajia kumuuza Pogba kwa 'pesa
nyingi.'
Juventus inasadikiwa kuwa kwenye majadiliano na
Manchester United ili kukamilisha uhamisho wa
Pogba kurudi Old Trafford.
Manchester United inadaiwa kukubali kutoa euro
mil 100 lakini Juventus inataka iongezwe walau
euro mil 20 zifike euro mil 120.
Pia Juventus inataka Manchester United ilipe
gharama zote za uhamisho wa mchezaji huyo kwa
kumlipa wakala wake Raiola euro mil 25.
Mshahara wa mchezaji huyo kwa wiki unakadiriwa
kuwa euro 300,000 kwa wiki.
Kumekuwa na mjadala mrefu kuhusu ni lini
uhamisho huo utafanyika kutokana na ukweli
kwamba kila kukicha kunaibuka habari mpya.
Posted Africa News Sports
Chapisha Maoni