Serengeti boys yatoka sare ya 2-2 Ghana katika uwanja wa taifa

TIMU ya soka ya taifa ya

vijana chini ya umri wa

miaka 17, Serengeti Boys

imelazimishwa sare ya

kufungana mabao 2-2 na

Ghana katika mchezo wa

kirafiki uliofanyika Uwanja wa

Taifa, Dar es Salaam jioni ya

leo.

Huo ulikuwa mchezo wa tatu

wa majaribio katika

maandalizi ya Serengeti Boys

kwenda Gabon kwenye fainali

za Afrika za U-17 mwezi Mei

baada ya awali kuifunga

Burundi 3-0 na 2-0 mjini

Bukoba wiki iliyopita.

Ghana walitangulia kwa

mabao mawili ya Sulley

Ibrahimu dakika ya 30 na

Arko Mensah dakika ya 73,

kabla ya Tanzania

kusawazisha kupitia kwa

Asad Juma kwa penalti na

Muhsin Malima mabao yote

yakifungwa dakika za

nyongeza baada ya kutimu

dakika 90 za kawaida za

mchezo.

Beki wa Ghana, Yusif

Abdulrazak akibinuka

kuondosha mpira kwenye

himaya ya Yohana Nkomola

wa Tanzania leo

Mapema kabla ya mchezo

huo, Waziri wa Habari

Utamaduni Sanaa na

Michezo, Dk. Harrison

Mwakyembe aliwakabidhi

Serengeti Boys bendera

tayari kwa safari ya Morocco

Jumatano kwenda kuweka

kambi ya mwezi mmoja

kujiandaa na fainali za

AFCON U-17 nchini Gabon.

Kikosi cha Tanzania;

Ramadhani Kabwili, Ally

Msengi, Israel Mwenda,

Nickson Kibabage, Dickson

Job, Ally Ng'anzi, Asad Juma,

Shaaban Zubeiry, Yohana

Nkomola, Kevin Naftal na

Abdallah Rashid.

Ghana; Ibrahim Danlad, Ayiah

Eric, Yakubu Najeeb,

Alhassan Rashid, Osman

Faisal, Yusif Abdulrazak,

Owusu Bismarck Terry, Antwi

Nana Kamwe, Levesh Gabriel,

Sulley Ibrahim na Toku

Emmanuel.