Mtibwa Sugar waichapa Mwadui FC 4-2 pia matokeo mengine VPL Majimaji wakichomoza kwa 1-0 dhidi ya JKT Ruvu

 Mtibwa Sugar wamefanikiwa kuibuka na

Uhsindi Mnono wa Mabao 4-2 dhidi

ya Mwadui FC katika mchezo

uliofanyika kwenye uwanja wa

Manungu Complex, Turiani Mkoani

Morogoro.

Mabao ya Mtibwa Sugar yamefungwa

na Ally Makarani aliyefunga bao la

mapema katika dakika ya 1 ya

mchezo, Huku Stamily Mbonde

akifunga mabao mawili katika dakika

ya 4 na 72 na bao la nne la Mtibwa

limefungwa katika dakika ya 59 na

Salehe Hamis.

Aidha Mabao ya Kufutia machozi ya

Wachimba Almas Mwadui FC

yamefungwa Baada ya Beki wa Mtibwa

Sugar Kasiani Ponela Kujifunga

alipokuwa akiokoa hatari langoni

mwake, na lingine likifungwa na Salim

Hamis dakika ya 87.

Uwanja kujaa maji.

Mchezo ambao uliochezeshwa na

Mwamuzi Mbaraka Rashid kutoka

Jijini Dar es Salaam ulikosa radha

kutokana na Uwanja wa Manungu

kujaa maji na matope yaliyowafanya

kushindwa kulitandaza soka la

Kitabuni.

Matokeo hayo yanawafanya Mwadui

FC kusaliwa na alama 35, huku

wakibakiwa na mchezo wa mwisho

dhidi ya Mnyama Simba SC, Wakati

Mtibwa Sugar wao waking’ang’amia

mafasi ya Tano wakiwa na alama 41.

JKT Ruvu 0-1 Majimaji.

Kwingineko Katika dimba la CCM

Mkwakwani Jijini Tanga, Maafande wa

JKT Ruvu Wameumana vilivyo na

Wanalizombe Majimaji ya Songea na

mchezo huo kumalizika kwa Majimaji

kufufua matumaini ya kubaki kwenye

ligi baada ya kutembeza kichapo cha

bao 1-0, bao ambalo limefungwa na

Kelvin Sabato.

Matokeo hayo yanawafanya Majimaji

kufikisha alama 32 na kukwea hadi

bafasi ya 11 ya msimamo wa ligi kuu

soka Tanzania bara huku JKT Ruvu

ambao tayari wameshuka daraja

wakishika nafasi ya mwisho kwa

kukusanya alama 23.

Tanzania Prisons 2-1 Ndanda FC.

Katika Uwanja wa kumbukumbu ya

Sokoine Jijini Mbeya Wajelajela

Tanzania Prisons wawameibuka na

ushindi dhidi ya Wanakuchele Ndanda

FC wa mabao 2-1, na kufifisha ndoto

za Ndanda kucheza ligi kuu soka

Tanzania bara msimu ujao.

Kwani kwa kichapo hicho ndanda

wanashuka hadi katika nafasi ya 14

wakiwa na alama 30 huku wakibakiwa

na mchezo mmoja pekee, wakati

Tanzania Prisons wanachumpa hadi

nafasi ya nane baada ya kujikusanyia

alama 34 katika michezo 29.